मुम्बई(भारत), ३ साउन । कोरोना संक्रमण भएपछि घरमै क्वारेन्टाइनमा बस्नुभएकी भारतीय चलचित्र जगतकी नामूद नायिका ऐश्वर्या राय बच्चन र उहाँकी छोरी आराध्य राय बच्चनलाई अस्पतालमा भर्ना गरिएको छ।
गत आइतबार कोरोना संक्रमण पुष्टि भएका दुवैलाई शुक्रबार राति मुम्बईस्थित नानावती अस्पतालमा भर्ना गरिएको हो। सोही अस्पतालमा ऐश्वर्याका पति नायक अभिषेक र भारतीय चलचित्रका महानायक अमिताभ बच्चनलाई कोरोना संक्रमण देखिएपछि भर्ना गरिएको थियो।
अहिले बच्चन परिवारकी जया बच्चन बाहेक सबै सदस्य सोही अस्पतालमा कोरोनाको उपचार गराइरहेका छन्।
न्युज एजेन्सी पीटीआईले अस्पतालको स्रोत उधृत गर्दै ऐश्वर्या र छोरी आराध्यलाई चिकित्सकको हेरचाह आवश्यक भएकाले अस्पतालमा भर्ना गरिएको र आमा छोरी दुवैको अवस्था राम्रो रहेको जनाएको छ।
