सानेपा (ललितपुर), २५ असोज । नेपाली कांग्रेसको आज निर्धारित केन्द्रीय समितिको बैठक स्थगित गरिएको छ ।
नेपाली कांग्रेसका मुख्य सचिव कृष्णप्रसाद पौडेलले शनिवार एक विज्ञप्ति प्रकाशित गरी यसको जानकारी दिनुभएको हो ।
विज्ञप्तिमा जनाइए अनुसार नेपाली कांग्रेसका पूर्वकोषाध्यक्ष एवं अग्रज समाजसेवी रामवावु प्रसाई(खनुपरूदे प्रकाहा) को असोज २३ गते भएको निधनको कारणले २०७७ असोज २५ गते २ बजे बस्ने केन्द्रीय कार्यसमितिको बैठक स्थगित गरिएको हो ।
स्थगित बैठक कहिले बस्छ त्यसको टुंगो लागिसकेको छैन् ।
नेपाली कांग्रेसको अब बस्ने बैठकले पार्टीको महाधिवेशनको मिति सार्न सक्ने संभावना रहेको छ ।
देशभर कोरोना भाइरसको संक्रमण बढेको र क्रियाशील सदस्यता वितरणमा नै समस्या परेकोले कांग्रेसको फागुन ७ देखि काठमाडौंमा हुने भनिएको महाधिवेशनको निर्धारित कार्यतालिका प्रभावित भएको छ ।
