काठमाडौं, ९ फागुन । पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा. बाबुराम भट्टराई आज स्वास्थ्योपचारको लागि भारत जाँदै हुनुहुन्छ ।
पेटमा समस्या देखिएपछि लामो समयदेखि काठमाडौंको निदान अस्पतालमा उपचार गराइरहनुभएका डा. भट्टराईले चिकित्सकहरुको सल्लाह बमोजिम भारतको इन्स्टिच्युट अफ लिभर एण्ड बिलियरी साइन्समा उपचार गराउनु हुनेछ ।
नेपालका बरिष्ठ चिकित्सकहरूको सल्लाह बमोजिम म फागुन ९ गते आफ्नो स्वास्थ्य उपचारकोलागि भारतको दिल्लीतर्फ प्रस्थान गर्दैछु।त्यहाॅको Institute of Liver and Biliary Sciences मा मेरो उपचार हुनेछ।स्वास्थ्यलाभको कामना गर्नुहुने सबैप्रति हार्दिक आभार ब्यक्त गर्दछु। pic.twitter.com/uaxpOH29d8
— Baburam Bhattarai (@brb1954) February 21, 2021
उहाँको साथमा पत्नी एवम् पूर्वमन्त्री नेतृ हिसिला यमी र जनता समाजवादी पार्टीका केन्द्रीय सदस्य तथा उनका प्रेस सल्लाहकार विश्वदीप पाण्डे जानुहुने भएको छ।
