९०औं ओस्कार : फिल्ममा सेप अफ वाटर,नायकमा ग्यारी र नायिकामा फ्रान्सेज उत्कृष्ट; अरु क-कसले मारे बाजी ?

Prakash Adhikari March 5, 2018

क्यालिफोर्निया, (संयुक्त राज्य अमेरिका),२० फागुन । अमेरिकाको लास एञ्जलिसमा सम्पन्न भएको अन्तर्राष्ट्रीय फिल्म क्षेत्रको सबैभन्दा प्रतिष्ठित पुरस्कार समारोह अर्थात्, ९० औँ ओस्कर अवार्डमा गुइलेर्मो डेल तोरो निर्देशित ‘द सेप अफ वाटर’ उत्कृष्ट फिल्म घोषित भएको छ ।

यो फिल्म ओस्करका लागि सबैभन्दा बढी अर्थात्, १३ क्याटगरीजमा नोमिनेट भएको थियो । फिल्मले निर्देशन, प्रोडक्सन डिजाइन र पार्श्वध्वनिमा ओस्कार जितेको छ ।

‘डार्केस्ट आवर’ बाट ग्यारी ओल्डम्यानले उत्कृष्ट अभिनेताको अवार्ड उचाल्दा ‘थ्री बिलबोर्दस आउटसाइड दि एबिङ, मिजौरी’ बाट फ्रान्सेज म्याकदोर्मेडले उत्कृष्ट अभिनेत्रीको ओस्कार अवार्ड उचालिन् ।

ओस्कारको क्रममा बलिउडका दुई चर्चित कलाकार श्रीदेवी र शशि कपूरको सम्झना गरिएको थियो । इभेन्टमा मेमोरियन सेग्मेन्टमा ओस्करले यस वर्ष दुनियाँबाट अलविदा भनेका सबै कलाकारलाई श्रद्धाञ्जली दिएको छ ।

क-कसले जिते ९० औँ ओस्कर अवार्ड ?

उत्कृष्ट फिल्म : द सेप अफ वाटर

उत्कृष्ट निर्देशक : गुइलेर्मो डेल तोरो-द सेप अफ वाटर

उत्कृष्ट अभिनेता : ग्यारी ओल्डम्यान, डार्केस्ट आवर

उत्कृष्ट अभिनेत्री : फ्रान्सेज म्याकदोर्मेड, थ्री बिलबोर्दस आउटसाइड दि एबिङ, मिजौरी

उत्कृष्ट सह-अभिनेता : साम रकवेल- थ्री बिलबोर्ड्स आउटसाइड एबिङ, मिसौरी

उत्कृष्ट सह-अभिनेत्री : एलिसन जाने- आइ टोन्या

उत्कृष्ट विदेशी भाषाको फिल्म : अ फ्यान्टास्टिक उमन-चिली