कीर्तिपुर(काठमाडौं), १५ फागुन । आईसीसी विश्वकप लिग २ खेल्न नेपाल आएका नामिबिया र नेदरल्याण्ड्सले नेपाली राष्ट्रिय टोलीसंग टी २० श्रृखला खेल्ने भएका छन् ।
आजदेखि आरम्भ हुने यस श्रृखलाको पहिलो खेल नेपाली राष्ट्रिय पुरुष क्रिकेट टोलीले नामिबियासंग खेल्दै छ ।
खेल नेपाली समयअनुसार विहान ११ः३० बजे टियु क्रिकेट मैदानमा सुरु हुनेछ । आइसीसी क्रिकेट विश्वकप लिग २ को समापनपछि नेपाल, नामिबिया र नेदरल्यान्ड्सले टी २० श्रृखलामा प्रतिस्पर्धा गर्न लागेका हुन् । नेपालले जुनमा हुने टी २० विश्वकपको तयारीको स्वरुप यो श्रृखलालाई पनि लिएको छ । नामिबिया र नेदरल्यान्ड्स पनि विश्वकप खेल्दैछन् । नेपाल र नेदरल्यान्ड्स एकै समूहमा छन् ।
नेपालले विश्वकप लिग २ खेलेको टोलीमा केही परिवर्तन गर्दै यस सिरिजका लागि १८ सदस्यीय टोली घोषणा गरिसकेको छ ।
एक दिवसीय टोलीका देव खनाल, भीम सार्की, सूर्य तामाङ र पवन सर्राफ टी २०आई टोलीमा छैनन् । प्रतिश जिसी, सन्दीप जोरा, विनोद भण्डारी, विवेक यादव, राशीद खान, सागर ढकाल र अभिनाश बोहोरा टोलीमा थपिएका छन् ।
नामिबियाले भने एकदिवसीय खेलेको टोलीलाई नै निरन्तरता दिएको छ । नेदरल्यान्ड्सले ओडीआई टोलीमा परिवर्तन गरेको छ । बास डे लिड र ओलिभर एलेन्बासको स्थानमा फ्रेड क्लासेन र टिम भान डर गुग्टेन टोलीमा थपिएका छन् ।
नेपाली टोलीः रोहित पौडेल, आसिफ शेख, अनिल शाह, कुशल भुर्तेल, कुशल मल्ल, आरिफ शेख, दीपेन्द्र सिंह ऐरी, गुलशन झा, सोमपाल कामी, करण केसी, ललित राजवंशी, प्रतिश जिसी, सन्दीप जोरा, विनोद भण्डारी, विवेक यादव, राशीद खान, सागर ढकाल र अभिनाश बोहोरा
नेदरल्यान्ड्स टोली: म्याक्स ओ’डाउड, विक्रमजित सिंह, नोआह क्रोस, शारिज अहमद, आर्यन दत्त, तेजा निदमानुरु, स्कट एडवार्डस (कप्तान), माइकल लेभिट, भिभिएन किंग्मा, वेस्ली बरेसी, साइब्रान्ड एंगलब्रेक्ट, रोलफ भान डर मर्व, काइल क्लेन, फ्रेड क्लासेन र टिम भान डर गुग्टेन
नामिबियाको टोलीः जेरार्ड एरास्मस (कप्तान), जेन ग्रिन (विकेटकिपर), जेजे स्मिट (उपकप्तान), माइकल भान लिंगेन, निकोल लोफ्टिइटन, सन फौसी, बेन शिकोंगो, जान फ्रिलिंक, रुबेन ट्रम्पलम्यान, निको डाभीन, टांगेनी लुंगामेनी, ज्याक ब्रेसल, बर्नार्ड स्कोल्ज, जेपी कोट्जे र मलान क्रुगर
