बडिखेल(ललितपुर), १८ बैशाख । ललितपुरको आनन्द वनमा लागेको डढेलो फैलिदै गएको छ । गोदावरी नगरपालिका ४ बडिखेल जंगलमा डढेलो निभाउन जाँदा एक जनाको मृत्यु भएको छ भने अर्का एक जना घाइते भएका छन् ।

मंगलबार दिउँसो डढेलो निभाउँदा स्थानीयबासी शंकर पहरी र रमेश पहरी घाइते भएका थिए। उनीहरुलाई उपचारकालागि अस्पताल लगिएको थियो । उपचारका क्रममा शंकर पहरीको निधन भएको हो ।

गोदावरी नगरपालिका–६ स्थित आनन्द वनमा डढेलो फैलदै गएपछि कुष्ठरोग अस्पतालका बिरामी पनि अन्तै सारिएको छ । डढेलोका कारण अस्पताल जोखिममा रहेको भन्दै अस्पतालका ९३ जना बिरामी सारिएको हो ।लेलेको जंगलको डढेलो फैलिँदै आनन्द वन पुगेको हो।

आगो नियन्त्रण गर्न सेना, सशस्त्र, नेपाल प्रहरी, अग्नि नियन्त्रकसहितको टोली परिचालन गरिएको छ ।