वाशिंटन डी.सी.(संयुक्त राज्य अमेरिका), २२ कार्तिक(बीबीसी) । जोसेफ आर बाइडन जुनियर अमेरिकाको ४६औँ राष्ट्रपति निर्वाचित हुनुभएको छ ।
डेमाक्र्याटिक पार्टीका उम्मेदवार बाइडन अमेरिकाको आगामी राष्ट्रपति बन्नका लागि आवश्यक मत हासिल गर्न सफल भएका हुनुभएको छ तर उहाँका सामु कानुनी चुनौतीहरू भने बाँकी छन्।
उहाँले रणसंग्राम र निर्वाचनको लागि निर्णायक र महत्त्वपूर्ण पेन्सिल्भेनिया राज्यमा विजय हासिल गरेसँगै राष्ट्रपति निर्वाचित हुनका लागि आवश्यक २७० मत भन्दा बढी मत प्राप्त गर्नुभएको हो।
सन् २००९ देखि सन् २०१७ सम्म बाराक ओबामाका उपराष्ट्रपति रहनुभएका बाइडन दशकौँको अनुभवप्राप्त, विदेशनीतिका ज्ञाता अनि प्रखर वक्ता राजनीतिज्ञका रूपमा परिचित हुनुहुन्छ जो सामान्य नागरिकसँग पनि सहजतापूर्वक घुलमिल हुन सक्नुहुन्छ।
पदासिन राष्ट्रपतिलाई पराजित गर्ने बाइडन
प्रभावशाली वक्ता
सन् १९७० ताका जो बाइडन
जो बाइडनले राजनीतिमा पहिलो पाइला चाल्दा अहिलेका कैयौँ मतदाता जन्मिनु भएको थिएन ।
बाइडनको वाशिङ्टनसँगको नाता ४७ वर्षअघि सन् १९७३ मा जोडिएको थियो जब उहाँ अमेरिकी सिनेटका सदस्य बन्नुभएको थियो।
अनि उहाँको पहिलो राष्ट्रपतीय प्रचार अभियान ३३ वर्षअघि सन् १९८७ मा भएको थियो।
उहाँ मतदातालाई आकर्षित गर्न सक्ने स्वाभाविक नेता हुनुका साथै कुनै पनि बेला गलत वाक्य बोल्न सक्ने नराम्रो गुण भएका मानिस पनि हुनुहुनुहुन्छ।
भिडका सामुन्ने बोल्दाबोल्दै चिप्लिँदा उहाँको पहिलो प्रचार अभियान सुरु हुनुभन्दा पहिल्यै खेर गएको थियो।
बाइडन सक्षम तथा प्रखर सार्वजनिक वक्ता हुनुहुन्छ तर उहाँ कहिलेकाहीँ नराम्रो समाचारको सामग्री बन्नुहुन्छ ।
एउटा र्यालीमा भाषण गर्दै उहाँले भन्नुभएको थियो, मेरा पुर्खा उत्तरपूर्वी पेन्सिल्भेनियाका कोइलाखानीमा काम गर्थे।ू
उनीहरूले जीवनमा अवसर नपाएकोमा आफू क्रोधित भएको उहाँले बताउनुभयो।
तर वास्तवमा उहाँका पुर्खा कोही पनि कोइलाखानीमा कामदार हुनुहुन्थेन – उहाँले त्यो वाक्य र अन्य कैयौँ वाक्य एक ब्रिटिश राजनीतिज्ञ निल किनकको भाषणबाट सापट लिनुभएको थियो।
पछि ‘जो बम’का नामले परिचित बन्न पुगेका यस्ता विभिन्न गल्तीको शृङ्खलाको त्यो पहिलो कडी थियो।
सन् २०१२ मा आफ्नो राजनीतिक अनुभवबारे बखान गर्दै उहाँले आफ्नो भाषणमा भन्नुभयो, ‘मैले आठ जना राष्ट्रपतिलाई चिनेको छु, तीन जनालाई त अत्यन्त निकट रूपमा।’
विचार नगरी उनले भनेको कुरालाई निकट मित्रता मात्र नभई यौन सम्बन्ध रहेको रूपमा समेत अर्थ्याउन सकिन्थ्यो।
सन् २००९ देखि २०१७ को बीच बाइडन बराक ओबामाका उपराष्ट्रपति हुनुुहुन्थ्यो
राष्ट्रपति ओबामाको उपराष्ट्रपतिको रूपमा सन् २००९ मा उहाँले ुअर्थतन्त्रमा हामीले हानि पुर्याउने ३० प्रतिशत सम्भावना छु भनेर मानिसहरूलाई त्रसित बनाइदिनुभयो।
उहाँले ओबामालाई वर्णन गर्दै यसो भन्नुभएको थियो ‘अफ्रिकी-अमेरिकी समुदायका पहिलो व्यक्ति जो प्रखर वक्ता छ, तीक्ष्ण र स्वच्छ अनि आकर्षक छ।’
तापनि भाग्य नै भन्नुपर्छ अमेरिकाको पहिलो अश्वेत राष्ट्रपतिले उहाँलाई उपराष्ट्रपतिमा चुन्नुभयो।
अनुभवी प्रचारक
दुईजना मतदातासँग सेल्फी खिचाउँदै बाइडन
मतदाताहरूसँगको भेटघाटमा बाइडन निकै सहजरूपमा प्रस्तुत हुनुहुन्छ ।
उहाँको स्पष्ट बोल्ने शैलीको अर्को पक्ष पनि छ।
रोबट शैलीमा निकै योजनाबद्ध रूपमा तौलिएर बोल्ने राजनीतिज्ञहरूको भिडमा उनी एक वास्तविक मानिसजस्तो देखिनुहुन्छ।
बाल्यकालमा भकभकाउने समस्या स्मरणमा रहेकाले आफूले पढेर बोल्नुका साटो मनका कुरा बोल्न रुचाउने उहाँले बताउनुभएको छ।
बाइडनले अमेरिकी सिनेटका चुनाव सात पटक जित्नुभएको छ ।
खासगरी कामदार तथा मजदुर वर्गलाई बाइडनले आफ्नो स्वतःस्फूर्त भाषणमार्फत् तरङ्गित पारिदिन सक्नुहुन्छ। भाषणपछि श्रोतासँग उहाँ हात मिलाउँनुहुन्छ र फोटो खिचाउँछन् ( कुनै रकस्टारले जस्तै।
‘उहाँ मानिसहरूसँग अङ्कमाल गर्नुहुन्छ, बोल्नुहुन्छ, छुनुहुन्छ र त्यो सबै वास्तविक हुन्छ। कृत्रिम हुँदैन’,ूपूर्वविदेशमन्त्री तथा राष्ट्रपतिका पूर्वउम्मेदवार जन केरीले द न्यूयोर्कर पत्रिकालाई बताउनुभयो।
तर उहाँको स्पर्श गर्ने बानीलाई लिएर कतिपय प्रश्न उठेका छन्।
आरोपहरू
उहाँको व्यवहारलाई लिएर महिलाहरूबाट बाइडनले कैयौँ आरोप खेप्नुभएको छ ।
गत वर्ष बाइडनले आफूहरूलाई अनुचित रूपमा स्पर्श गरेको, अँगालो हालेको वा चुम्बन गरेको भन्दै आठ महिलाले आरोप लगाएको पाइएको थियो।
अमेरिकी सञ्चारमाध्यमहरूले बाइडनले कसरी सार्वजनिक कार्यक्रममा उपस्थित महिलाहरूसँग निकट भावमा व्यवहार गरेर र कसरी उनीहरूको केश सुँघेको जस्तो गर्नुहुन्छ भनेर पनि चित्रण गरेका थिए।
प्रतिक्रियामा बाइडनले आगामी दिनमा आफ्नो व्यवहारलाई लिएर होस पुर्याउने बताउनुभएको थियो।
तर मार्च महिनामा तारा रिड नामक महिलाले ३० वर्षअघि आफूलाई बाइडनले यौन आक्रमण गरेको आरोप लगाउनुभयो। त्यतिखेर उहाँ बाइडनको कार्यालयमा सहयोगी कर्मचारी हुनुहुन्थ्यो।
बाइडनले सो आरोप अस्वीकार गर्नुभयो र उहाँको प्रचार कार्यालयले त्यस्तो हुँदै नभएको विज्ञप्ति जारी गर्यो।
सन् २००८ मा ओबामाले उहाँको चुनाव विषय परिवर्तनको वाचामा केन्द्रित गरेका थिए तर बाइडनलाई त्यही कुरा फेरि गर्न गाह्रो परेको थियो ।
उही गल्ती नदोहोर्याउने प्रयत्न
सामान्य मानिससँग निकटता देखाउने उनको आत्मीय शैलीका कारण बाइडनले राम्रो गर्ने उहाँका समर्थकको आशा छ।
वाशिङ्टनमा उहाँको धेरै अनुभव छ। सिनेटमा तीन दशकभन्दा धेरै अनि ओबामाको उपराष्ट्रपतिको रूपमा आठ वर्ष।
करिब ५० वर्षदेखि उहाँ उच्चस्तरको राजनीतिमा संलग्न हुँदै आउनुभएको छ।
लामो इतिहास
सन् १९८७ मा बाइडन पहिलो पटक राष्ट्रपति पदका निम्ति आकाङ्क्षी बन्नुभएको थियो ।
अमेरिकाका हरेक महत्त्वपूर्ण घटनाक्रममा बाइडन या त संलग्न हुनुहुन्छ या त त्यसबारे केही टिप्पणी गर्नुभएको छ।
सन् १९७० मा सार्वजनिक विद्यालयहरूमा जातीय एकता कायम गराउन बालबालिकालाई अन्य इलाकामा बसबाट पुर्याउन भनी गरिएको निर्णयको विरोध गरिरहेका दक्षिणी क्षेत्रका समूहको समर्थनमा बाइडन उभिनुभयो।
यो विषयलाई पटकपटक उहाँको विरुद्धमा प्रयोग गरिएको छ।
ओबामाको कार्यकालमा रक्षामन्त्री रहेका रोबर्ट गेट्सले विदेशनीति तथा राष्ट्रिय सुरक्षासँग सम्बन्धित लगभग प्रत्येक महत्त्वपूर्ण निर्णयमा बाइडन गलत ठहरिएको तर पनि उहाालाई नरुचाउन भने नसकिने बताउनुभएको थियो।
पारिवारिक वेदना
बाइडनकी पहिलो पत्नी नेलिया र उनीहरूका छोरीले कार दुर्घटनामा ज्यान गुमाएका थि
बाइडन अन्य राजनीतिज्ञभन्दा सर्वसाधारण जनतानिकट देखिनुमा एउटा कारण भनेको अरूले जस्तै उनले बेहोरेका पारिवारिक शोक हुनसक्छ।
सिनेटमा पहिलो चुनाव जितेपछि शपथ लिने तयारी गर्दै गर्दा भएको कार दुर्घटनामा उहाको पत्नी नेलिया र छोरी नाओमीको ज्यान गएको थियो भने दुई छोरा बो र हन्टर घाइते भएका हुनुुभयो।
बाइडनका छोरा बोले डेलावेर राज्यका महान्यायाधिवक्ताको जिम्मेवारी सम्हाल्नुभएको थियो र साथै सैनिक अधिकारीको रूपमा इराकमा खटिनुभएको थियो ।
सन् २०१५ मा ४६ वर्षको उमेरमा मस्तिष्कमा ट्यूमरका कारण उहाँका छोरा बो बाइडनको निधन भयो।
आफ्नो परिवारका त्यति धेरै सदस्य गुमाएका बाइडनप्रति सर्वसाधारण अमेरिकीमा सहानुभूति छ।
तर अर्का छोरा हन्टरसँग भने अर्कै कथा जोडिन्छ।
हन्टर बाइडनले पिताको राजनीतिमा जटिलता उत्पन्न गरिदिनुभयो ।
हन्टर पहिले वकिल हुनुहुन्थ्यो तर पछि उहाँको व्यक्तिगत जीवन समस्याग्रस्त भयो।
उहाँकी पहिली पत्नीले उहाँले लागुऔषध तथा मदिरा प्रयोग गर्ने गरेको अनि मोजमस्तीमा लागेको विषयलाई सम्बन्धविच्छेदको कारणको रूपमा प्रस्तुत गर्नुभयो।
कोकिन प्रयोग गरेको पाइएका कारण उहाँ अमेरिकी जलसेनाबाट निष्काशनमा पर्नुभयो।
उहाँले द न्यूयोर्कर पत्रिकासँगको कुराकानीमा आफूलाई ऊर्जा क्षेत्रसँग सम्बन्धित एक ठूला चिनियाँ व्यापारीले हीरा दिएको स्वीकार गर्नुभयो । ती व्यापारीलाई पछि बेइजिङले भ्रष्टाचारमा छानबिन गरेको थियो।
गत वर्ष हन्टरले भेटेको एक सातापश्चात् नै दोस्रो पत्नीसँग बिहे गर्नुभयो। उहाँको व्यक्तिगत जीवन र आम्दानीको विषयले बाइडनपनि विवादमा तानिनुभयो।
उहाँले गरेको आम्दानीको एउटा क्षेत्रचाहिँ यूक्रेन थियो।
त्यसलाई लिएर राष्ट्रपति ट्रम्पले यूक्रेनका राष्ट्रपतिलाई हन्टरमाथि भ्रस्टाचारको अनुसन्धान गर्न दबाव दिएको भन्ने आरोप लाग्यो।
विदेश मामिला
बाइडनसँग विश्वमञ्चको धेरै अनुभव छ
कूटनीतिक अनुभव उहाँको बलियो पक्ष भएकाले विदेश मामिलासम्बन्धी काण्ड बाइडनको निम्ति बढ्ता हानिकारक हुन्छ।
उहाँ विगतमा सिनेटको विदेशसम्बन्ध समितिका अध्यक्ष हुनुहुन्थ्यो। आफ्नो ४५ वर्षे राजनीतिमा विश्वका सबै अग्रणी नेतालाई भेटेको उहाँको दाबी रहदै आएको छ।
सन् १९९१ मा उनले पहिलो खाडी युद्धको विपक्षमा मतदान गर्नुभएको थियो भने सन् २००३ मा चाहिँ इराक अतिक्रमणको समर्थन गर्नुभएको थियो। पछि उहाँले अमेरिकाको इराकमा संलग्नताको आलोचना गर्न थाल्नुभयो।
अलि सतर्क रहन रुचाउने बाइडनले राष्ट्रपति ओबामालाई ओसामा बिन लादेनलाई समात्ने विशेष कारबाही नगर्न सुझाउनुभएको थियो। सो कारबाहीमा बिन लादेनलाई मारिएको थियो।
बाइडनका दृष्टिकोणहरू डेमोक्र्याटिक पार्टीका कैयौँ युवा अभियानकर्मीहरूले भने रुचाउँदैनन्। उनीहरूले बर्नी स्यान्डर्स वा एलिजाबेथ वारेनका जस्ता कट्टर युद्धविरोधी अडानको समर्थन गर्छन्।
तर कैयौँ अमेरिकीको रुचि विपरीत उहाँ अलि ज्यादा शान्तिकामी पनि लाग्न सक्नुहुन्छ।
उहाँको अधिकांश नीतिहरू मध्यमार्गी किसिमका छन्।
