मेन्डले(म्यानमार),२० चैत्र । सन २०२० मा जापानको राजधानी टोकियोमा आयोजना हुने ओलम्पिक खेलमा सहभागिताको लागि भएको दोस्रो चरणको छनोट खेलमा नेपाली महिला राष्टिय टोली म्यानमारसंग ३- १ ले पराजित भएको छ ।
म्यानमारको मेन्डलेमा आयोजित बुधबारको खेलमा नेपाल र म्यानमारबीच पहिलो हाफमा १-१ को बराबरी भए पनि दोस्रो हाफमा म्यानमारले २ गोल गरेपछि म्यानमारलाई पराजित गरेर इतिहास रच्ने नेपालको सपना साकार हुन सकेन ।
म्यानमारकालागि २३ र ९३ औं मिनेटमा यी यी ओले गोल गरेकी थिइन भने ४६ औं मिनेटमा तेन्जीले गोल गरेकी थिइन ।
त्यस्तै आजै भएको अर्को खेलमा भारतले इण्डोनेशियालाई २-० ले पराजित गरेको छ ।
नेपालले अब अर्को खेल ६ अप्रिलमा भारतविरुद्ध खेल्ने छ ।
नेपालको समूहमा म्यानमार,भारत र इण्डोनेशिया रहेका छन् ।
