एजेन्सी, १० चैत्र । मिडफिल्डर जेस्सी लिंगार्डले दोस्रो हाफमा गरेको एक मात्र निर्णायक गोलको सहयोगमा इङल्याण्डले नेदरल्याण्डलाई मैत्रीपूर्ण फुटबलमा पराजित गरेको छ ।
नेदरल्याण्डको घरेलु मैदान एम्स्टरडममा सम्पन्न खेलमा लिंगार्डले दोस्रो हाफको ५९ औं मिनटमा एक मात्र निर्णायक गोल गर । इङल्याण्डको राष्ट्रिय जर्सीमा लिंगार्डको यो डेब्यु गोल समेत थियो ।
नेदरल्याण्डमाथि सन् १९९६ को युरोपछि इङल्याण्डको यो पहिलो जित थियो । साथै इङल्याण्ड पछिल्ला सात खेलहरुमा अपराजित छ भने एम्स्टरडममा खेलेको कुनै पनि खेलमा इङल्याण्डले हार बेहोरेको छैन ।
यसै बर्ष रसियामा हुने फिफा विश्वकपको तयारीमा रहेको इङल्याण्ड रसिया विश्वकपतर्फ बेल्जियम, पनामा, ट्युनिसियासहित समूह जी मा रहेको छ ।
