काठमाडौं, १८ माघ । नेपालको शेयर बजारमा बुधबार झिनो सुधार आएको छ । तर कारोबार रकम भने झन घटेको छ ।

यस दिन धितोपत्र बजार परिसूचक ४.९७ अंकले बढेर २११६.६५ विन्दुमा पुगेको छ। कारोबार रकम भने निकै कम देखिन्छ। बुधबार १ अर्ब ७६ करोड ७० लाख ५१ हजार ९ सय १६ रुपैयाँ बराबरको ५० लाख २४ हजार ३८१ कित्ता शेयर कारोबार भएको छ।

यस दिन नेपाल स्टक एक्सचेञ्जमा सूचीकृत भई वर्गीकरणमा परेका १३ वटा उपसमूह मध्ये लगानी,माइक्रो फाइनान्स र म्युचुअल फण्ड समूहको उपपरिसूचक घटेका छन भने अन्य १० उपसमूहको उपपरिसूचक बढेका छन् ।

यस दिन आदर्श लघुवित्तको शेयरमूल्य १० प्रतिशतले बढेको छ भने सिद्धार्थ इन्स्योरेन्सको ८.२८ प्रतिशत, इस्टर्न हाइड्रोपावरको ६.१७ प्रतिशतले बढेको छ।यस्तै राप्ती हाइड्रो एण्ड जनरल कन्स्ट्रक्सन, सयपत्री हाइड्रो,सानिमा जीआईसी इन्स्योरेन्स, स्टाण्डर्ड चार्टर्ड बैंक,सिद्धार्थ इक्विटी फण्ड,मनकामना स्मार्ट लघुवित्त र ज्योति विकास बैंकको शेयर मूल्य अघिल्लो कारोबार दिनको भन्दा अधिक बढेको छ ।

यस दिन सगरमाथा इन्स्योरेन्सको शेयरमूल्य ३.७२ प्रतिशतले घटेको छ भने मानुषी लघुवित्तको ३.२४ प्रतिशत र गुँरास लाइफ इन्स्योरेन्सको २.८३ प्रतिशतले घटेको छ। यस्तै इनइमबी ५०, बराही हाइड्रो पावर, उन्नति सहकार्य लघुवित्त,ग्रीन भेञ्चर्स,युनियन लाईफ इन्स्योरेन्स र प्रिमियर इन्स्योरेन्स कम्पनीको शेयर मूल्य अघिल्लो कारोबार दिनको तुलनामा घटेको छ ।

बुधबार नेपाल बैंकको सबैभन्दा धेरै ५ करोड ९३ लाख रुपैयाँको शेयर कारोबार भएको छ भने रिडी हाइड्रोपावरको ४ करोड ९२ लाख र एनआइसी एशिया बैंकको ४ करोड ७६ लाख रुपैयाँको कारोबार भएको छ। यस्तै अन्य कम्पनीहरुमा लुम्बिनी जनरल इन्स्योरेन्स, स्टाण्डर्ड चार्टर्ड बैंक, नबिल बैंक, अपि पावर, पिपल्स हाइड्रो पावर, नेपाल दूरसञ्चार कम्पनी र हिमालयन डिष्टिलरी रहेका छन् ।