कीर्तिपुर(काठमाडौं), २२ फागुन । नेपालमा जारी त्रिकोणात्मक टी २० अन्तर्राष्ट्रिय श्रृलाको फाइनलमा आज घरेलु टोली नेपाल र नेदरल्यान्ड्सको भीडन्त हुँदैछ ।
कीर्तिपुरस्थित त्रिभुवन विश्वविद्यालयको क्रिकेट मैदानमा हुने खेल ११ः३० बजे सुरु हुनेछ ।
नेपाल लिग चरणमा ४ अंकका साथ उपविजेता बन्दै फाइनलमा प्रवेश गरेको हो भने नेदरल्याण्ड्स ५ अंकसहित शीर्षस्थानमा रहेर फाइनल पुगेको हो ।
लिग चरणमा नेपाल र नेदरल्यान्ड्सले एक अर्कासँग एक एक खेल जितेका थिए । नेपालले नामिबियासँग एक जित निकाल्यो भने एक हार ब्यहोरेको थियो ।
नेदरल्यान्ड्सले नामिबियालाई पहिलो खेलमा हरायो तर दोस्रो खेल भने वर्षाले रद्द भएको थियो । अंक बाडियो ।
नेपाल र नेदरल्यान्ड्सबीच पछिल्लो ५ मध्ये ३ खेलमा नेपालले जित हासिल गरेको छ ।
प्रतियोगिताको सुरुवाती दुई खेलमा हार बेहोरेको नेपाल त्यसपछि लगातार दुई जितका साथ फाइनल पुगेको हो ।
