वेष्ट इण्डिज, ६ भदौ । नेपाली युवा बलर सन्दिप लामिछानेले क्यारेवियन प्रिमियर लिगमा उत्कृष्ट बलिङ गर्दै चौथो खेलमा दुई विकेट लिन सफल भए ।
कायरन पोलार्डको कप्तानीमा रहेको सेन्ट लुसिया स्टार्स विरुद्धको खेलमा सन्दिपले २ ओभरमा दुई विकेट लिएका हुन ।
सेन्ट लुइस विरुद्धको आजको खेलमा नवौं ओभरमा मैदानमा उत्रिएका सन्दीपले तेस्रो बलमा डेभिड वार्नरलाई आउट गरे । नवौं ओभरमा एक छक्का सहित आठ रन बनाउन दिएका उनले बाह्रौ ओभरमा मैदानमा उत्रिदा चौथो बलमा क्वासी अहमद र पाँचौ बलमा वार्नरलाई बीसीजे कटिड.मार्फत रन आउट गराए ।
यो ओभरमा उनले एक छक्का सहित सात रन लिने मौका दिए ।
सेन्ट लुइस स्टारबाट ७० रनको लक्ष्य पाएको सन्दीपको सैन्ट किट्स एण्ड नेभिज प्याटियोर्टले १३ औं ओभरमा तीन विकेटको क्षतिमा पूरा गर्यो । ७ विकेटले सन्दीपको टोली विजयी बन्यो ।
यसअघि उनले एमाजोना विरुद्ध दुई, टी एण्ड टी राइटर्स विरुद्ध एक र तालावाज विरुद्ध दुई विकेट लिएका थिए । उनको टिमले जारी प्रतियोगितामा दोस्रो जित पनि निकालेको छ ।
सीपीएलमा चार खेलमा दुई खेल जितेको सन्दीपको सेन्ट किट्स एण्ड नेभिज प्याटियोट्स चौथो नम्बरमा उक्लेको छ ।
Caribbean Premier League
| TEAM | M | W | L | T | N/R | PT | NRR | FOR | AGAINST |
|---|---|---|---|---|---|---|---|---|---|
1 Guyana Amazon Warriors |
4 | 3 | 1 | 0 | 0 | 6 | 0.948 | 653/76.3 | 607/80.0 |
2 Trinbago Knight Riders |
5 | 3 | 2 | 0 | 0 | 6 | 0.61 | 981/99.5 | 917/99.3 |
3 Jamaica Tallawahs |
5 | 3 | 2 | 0 | 0 | 6 | -0.154 | 899/99.1 | 922/100.0 |
4 St Kitts and Nevis Patriots |
4 | 2 | 2 | 0 | 0 | 4 | 0.86 | 550/67.4 | 556/76.3 |
5 Barbados Tridents |
2 | 1 | 1 | 0 | 0 | 2 | -0.2 | 373/40.0 | 381/40.0 |
6 St Lucia Stars |
6 | 1 | 5 | 0 | 0 | 2 | -1.594 | 915/120.0 | 988/107.1 |
