काठमाडौं, १९ पौष । नेपाल आयल नियमले हवाई इन्धन मूल्यमा प्रतिलिटर ६ रुपैयाँ घटाएपछि सोही अनुपातमा नेपाल नागरिक उड्डयन प्राधिकरणले हवाई भाडा समायोजन गरेको छ ।
प्राधिकरणले हवाई इन्धनको मूल्य घटेसँगै हवाई भाडामा लाग्ने फ्युल सर्चार्ज समायोजन गरेको हो।
प्राधिकरणले दिएको जानकारी अनुसार काठमाडौंबाट धनगढीका लागि फ्युल सर्चार्ज २ सय ६५ रुपैयाँले घटेर ५ हजार ६ सय ५५ रुपैयाँमा झरेको छ।
सबैभन्दा टाढाको जनकपुर–धनगढी रुटमा ३ सय ३० रुपैयाँ र सबैभन्दा नजिकको काठमाडौं–सिमरामा ५५ रुपैयाँ फ्युल सर्चार्ज घटेको छ।
समायोजन भएको मूल्य अनुसार काठमाडौंबाट सबैभन्दा टाढाको धनगढीका लागि २ सय ६५ रुपैयाँ भाडा कम लाग्ने छ । धनगढीमा यस अघि ५ हजार ९ सय २० रुपैयाँ रहेको फ्युल सर्चार्ज अब ५ हजार ६ सय ५५ रुपैयाँमा झरेको छ ।
माउन्टेन फ्लाइटतर्फ २ सय १० रुपैयाँ घटेको छ । काठमाडौं–भद्रपुर २ सय ४५ रुपैयाँ भाडा घटेको छ । क्षेत्रीय उडानमा भने अझ धेरै घटेको छ ।
जनकपुर–नेपालगञ्ज रुटको २७० र जनकपुर–धनगढी रुटको ३ सय ३० रुपैयाँ भाडा कम लाग्ने गरी तोकिएको छ । काठमाडौं–सिमरा ५५ रुपैयाँ भाडा कम लाग्ने गरी तोकिएको छ । हवाई भाडामा फ्युल सरचार्ज एक शीर्षक हो । यसमा विभिन्न प्रकारका करसहित वायुसेवा कम्पनीले लिने भाडासमेत जोडेपछि मात्र पूर्ण भाडादर कायम हुन्छ ।
कुन सेक्टरमा कति घट्यो फ्युल सर्चार्ज
काठमाडौं–माउन्टेन फ्लाइट रु २१०
काठमाडौं–भद्रपुर रु १८०
काठमाडौं–विराटनगर रु १४०
काठमाडौं–जनकपुर रु ७५
काठमाडौं–पोखरा रु ९५
काठमाडौं–भरतपुर रु ६५
काठमाडौं–भैरहवा रु १२५
काठमाडौं–नेपालगञ्ज रु १९५
काठमाडौं–धनगढी रु २६५
काठमाडौं–तुम्लिङटार रु ११०
काठमाडौं–सिमरा रु ५५
काठमाडौं–सुर्खेत रु २१०
काठमाडौं–राजविराज रु १२५
