काठमाडौं,११ चैत । कोरोना भाइरस (कोभिड–१९)को नियन्त्रण र रोकथामको लागि सरकारले स्थापना गरेको कोषमा सत्तारुढ नेपाल कम्युनिष्ट पार्टीका संघीय संसद् (प्रतिनिधिसभा र राष्ट्रियसभा)का सदस्यहरुले आफ्नो १५ दिनको पारिश्रमिक बराबरको सहयोग दिने भएका छन् ।
नेकपा संसदीय दलकी सचेतक शान्ता चौधरीले यसको जानकारी दिनुभएको हो।
सत्तारुढ नेकपाबाट प्रतिनिधिसभा १ सय ७४ र राष्ट्रियसभामा ५० जना सांसद्ले प्रतिनिधित्व गर्दछन्।
कोरोनाविरुद्ध लड्न सरकारले सोमबार ५० करोड रुपैयाँको कोरोना कोष स्थापना गरेको छ ।
सो कोषमा मन्त्रीहरुले एक महिनाको तलब जम्मा गरेका छन् ।
त्यस्तै राष्ट्रपति विद्यादेवी भण्डारीले सो कोषमा दुई महिनाको पारिश्रमिक दिने घोषणा गर्नुभएको छ भने उपराष्ट्रपतिले नन्दबहादुर पुनले एक महिनाको पारिश्रमिक दिने घोषणा गर्नुभएको छ ।
कोषमा प्रतिनिधिसभाका सभामुख कृष्णप्रसाद सापकोटा र राष्ट्रिय सभाका अध्यक्ष गणेश तिमिल्सिना र उपाध्यक्ष शशिकला दाहालले ले पनि १ । १ महिनाको पारिश्रमिक बराबरको रकम दिने घोषणा गर्नुभएको छ ।
त्यस्ते समाजवादी पार्टीका केन्द्रीय सदस्य एवम् प्रतिनिधि सभा सदस्य प्रदीप यादवले कोरोना संक्रमण न्युनीकरण तथा रोकथामका लागि सरकारले गठन गरेको केन्द्रीय कोषमा आफ्नो एक महिनाको तलब दिने घोषणा गर्नुभएको छ।
