काठमाडौं, ५ भाद्र । सरकारले विदेशबाट फर्कने व्यक्तिहरुका लागि क्वारेन्टाइनमा बस्नका लागि होटलहरुको सूची सार्वजनिक गरेको छ । जिल्ला प्रशासन कार्यालय काठमाडौंले होटलहरुको सूची सार्वजनिक गरेको हो ।
अब विदेशबाट फर्कने व्यक्तिहरुले पहिले नै आफू कुन होटलमा बस्नुपर्ने हो निर्णय गर्नुपर्ने छ । नेपाल आइसकेपछि कम्तीमा ७ दिन होटल क्वारेन्टाइनमा बस्नुपर्नेछ । सरकारले यसअघि पनि यस्तो सूची सार्वजनिक गरेको थियो ।
सरकारले भदौ १६ गतेदेखि पीसीआर परीक्षण सहज भएका मुलुकबाट यात्रु ल्याउने निर्णय गरेको छ । जस अनुसार भदौ १६ गतेदेखि जापान,दक्षिण कोरिया,मलेसिया,हंगकंग, चीन, संयुक्त अरब इमिेट्स(यूएई) मा नियमित उडानहरु सञ्चालन हुनेछन् भने यूरोप, अमेरिका र अष्ट्रेलियाबाट आउने नेपालीलाई ल्याउने उडानलाई पनि अनुमति दिइनेछ ।
उल्लेखित मुलुकहरु बाहेकका देशबाट नेपाली राजदूतावासको समन्वयमा चार्टड उडान गरी नेपालीलाई ल्याउन सकिने छ ।
यसरी नेपाल आउने होटलमा बस्दा होटल अनुसार दैंनिक १५ सय रूपैयाँदेखि १० हजार रूपैयाँसम्म खर्च लाग्नेछ ।
होटल हेर्नका लागि तलको लिंकमा क्लिक गर्नुहोस् :
