अक्सिजन,उपचार र खोपकोे खोजीमा रहेका जनतालाई चुनावको उपहार ; कसले के भने?

Prakash Adhikari May 22, 2021

काठमाडौं, ८ जेठ । लोकतन्त्र जनताको इच्छा र आवश्यकता अनुसार शासन गर्ने उत्तम राजनीतिक व्यवस्था हो । तर नेपाल कम्युनिष्ट पार्टी एमालेका अध्यक्ष के.पी. ओलीको नेतृत्वमा रहेको वर्तमान सरकारले कोरोना संक्रमणको महामारीका कारण देशका ७७ जिल्लामध्ये ७४ जिल्लामा निषेधाज्ञा लागेको समयमा प्रतिनिधिसभा विघटन गरेर चुनावको घोषणा गरेको छ ।

प्रतिनिधिसभाको बजेट अधिवेशन सञ्चालन गरेर देशमा फैलिएको महामारी नियन्त्रण गरेर मुलुकको आर्थिक सामाजिक अवस्था सामान्य बनाउन सर्वस्वीकार्य बजेट ल्याएर त्यसको कार्यान्वयन गर्नुपर्ने बेलामा संविधानतः विघटन नै गर्न नपाउने प्रतिनिधिसभा विघटन गरेर युद्ध जितेको जस्तै दंग हुनुभएको छ प्रधानमन्त्री । आफैले पानापानामा हस्ताक्षर गरेको संविधानको हुर्मत लिंदा, जनताको पक्षमा काम गरिरहेको र आफ्नो बर्चश्व रहेका प्रतिनिधिसभालाई विघटन गर्दा र खोप,अक्सिजन र स्वास्थ्योपचारको अभावमा जनता मरिरहेको बेला समस्यामा परेका नेपालीलाई बचाउन छाडेर निर्वाचनको तृष्णा प्रधानमन्त्रीलाई जागेकोमा सचेत नागरिकहरुले प्रश्न उठाएका छन् ।

चुनाव त जो सरकारमा छैन, जसले अघिल्लो चुनाव हारेको थियो उसले माग गर्नुपर्नेमा सरकारमा प्रधानमन्त्रीको कुर्सीमै बसेको गर्न खोजेको छ । संविधान, देश र जनताप्रति अनुत्तरदायी बन्दै सत्ताको उन्मादमा भएको प्रतिनिधिसभा विघटन र निर्वाचनको घोषणामा कसले के भने ? सामाजिक सञ्जाल ट्वीटरबाट :

बेवास्ता गर्दै प्रधानमन्त्री केपी ओली र राष्ट्रपति विद्यादेवी भण्डारीले मध्यरातमा संविधान र लोकतन्त्रमाथि गरेको प्रहारलाई नेपाली जनताले क्षमा गर्ने छैनन् । जनताले ५ वर्षका लागि निर्वाचित गरेको संसद भंग गरेर यो महामारीको बेलामा जनताको जीवन बचाउन होइन मत माग्न जाउँ भन्नू कुन

— Prakash Man Singh (@PMSinghNC) May 22, 2021

खड्ग ओली र विद्या भण्डारीलाई न संविधान मन परेको थियो,न संसद!विघटन,पुनर्थापित संसदको अपमान,विश्वासको मतको नाटक,७६(३)को सरकार गठन,विश्वास लिनुको सट्टा७६(५)को आव्हान,अनुकुल नभएपछि फेरी विघटन!कस्तो सेटिङ!प्रकृया त देखाउन मात्र थियो,यीनको मिसन त संसद र संविधानको हुर्मत लिनु थियो।लिए!

— Gagan Thapa (@thapagk) May 22, 2021

शेखर कोइरालाले भने- राष्ट्रपतिको कदम क्षम्य हुनै सक्दैनhttps://t.co/w7PejmwmED

— Dr Shekhar Koirala Secretariat (@dr_secretariat) May 22, 2021

कोरोना कहरको पीडामा छटपटाउँदै गरेको जनता भ्याक्सिन, अक्सिजन र अस्पतालको बेड माग्दै थियो, विकृत राजनीतिले चुनाव दियो।
प्रम र राष्ट्रपतिको खेदजनक बलमिचाइँ। लोकतन्त्रको मर्यादा हरायो, सत्तायन्त्रको तिकडम हाबी।
संसदीय प्रणाली र राजनीतिका पात्र/प्रवृत्ति बिच ठुलो अनमेल।
विकल्प के?

— Surya Raj Acharya (@SuryaRAcharya) May 22, 2021

जनता भुतुभुतु मरेका र रोग अनि भोकले मर्ने तयारी गर्दैगर्दा पनि सत्ताका लागि नर्क जान तयार हुनेहरुलाई कार्तिकमा भोट होइन भोटे कुकुर लगाएर जनताले खेदे भने के हुन्छ?

— Rajendra Baniya (@RBaniyaji) May 22, 2021

ज्ञानेन्द्र बाध्यताले राजा बनेका थिए, जनविरोधपछि सहजै सत्ता हस्तान्तरण गरेर नागरिक जीवन बाँच्दैछन्। नवतानशाहहरूसँग तुलना मिलेन। https://t.co/WtchULqEDo

— Gajendra Budhathoki ♿ (@gbudhathoki) May 22, 2021

हेल्लो
निर्वाचन आयोग,

मेरो लागि एउटा मतपत्र छाप्ने पैसोले कर्णालीको दाजुलाई सिटामोल किन्दिनुहोला। कोरोनाको महामारीमा भोट हाल्न चैं गईन्न

धन्यबाद 🙏🏻

— Dipesh Pandit (@Thejuly23rdd) May 22, 2021

भारतको नाकाबन्दी सारमा भन्नु पर्दा एक तानाशाह लाई दुबैको मिलेमतोमा जबर्जस्ति जनताको नजर मा राष्ट्रभक्ति देखाएर प्रधानमन्त्री बनाउने अनि त्यहि व्यक्ति मार्फत जनताको संबिधानलाई निस्क्रिय बनाउन रचिएको भारतको एक grand design थियो जुन कसैले बुज्नै सकिएन.

— Sonam Sherpa (@drsonamsh98685) May 22, 2021