बुटवल(रुपन्देही),३ चैत्र । २० औ तिलोत्तमा गोल्डकप नकआउट फुटवल प्रतियोगिताको उपाधि थ्रिस्टर क्लवले जितेको छ ।
बुटवलको एन्फा टेक्निकल सेन्टरमा शनिबार भएको फाईनल खेलमा विभागीय टिम नेपाल पुलिस लाई शून्यका बिरुद्ध २ गोलले थ्रिस्टारले उपाधि हात पारेको हो ।
थ्रिस्टारले एक गोल उपहार पायो भने एक गोल खेलको ७९ औं मिनेटमा टिम क्याप्टेन निराजन खड्काले गरे ।
थ्रि स्टारका सुनिल बलमे लेफट कर्नरबाट दिएको बललाई टिमक्याप्टेन खड्काले सजिलै गोलमा परिणत गरेका थिए ।
त्यसअघि खेलको ६५ औं मिनेटमा पुलिसका टिम क्याप्टने रविन श्रेष्ठको पोष्टमा बललाई रोक्न खोज्दा आत्मघाती गोल गरेका थिए । थ्रिस्टारका बिमल घर्तिमगरको क्रस बलालाई श्रेष्ठले रोक्न खोज्दा थ्रिस्टारका मार्टीनले प्रेसर दिदा आत्मघाती गोल हुन पुगेको थियो ।
यता विधागत पुरस्कारतर्फ पनि थ्रिस्टार हावी भयो । थ्रिस्टारका एलन न्यौपाने उत्कृष्ट गोलरक्षक, टिम क्याप्टेन रिाजन खड्का सर्वोउत्कृष्ट खेलाडी, टिम कोच मघराज केसी उत्केष्ट कोच घोषित भए ।
सर्वोत्कृष्ट खेलाडी घोषित थ्रिस्टारका टिम क्याप्टेन निराजन खड्काले स्कुटर हात पारे ।
त्यस्तै उत्कृष्ट मिडफिल्डरमा नेपाल पुलिसका भोला सिलवाल, उकृष्ट स्पाईकर पुलिसकै रेजिन सुव्वा र रुपन्देही ११ पूर्णबहादुर श्रेष्ठ उत्कृष्ट डिफेन्डर घोषित भए । उनीहरुले नगद २१ ह्जार प्राप्त गरे ।
प्रतियोगिताको उपाधि जितेको थ्रिस्टारले नगद सात लाख ७७ हजार ७ सय ७७ रुपैया प्राप्त गर्यो ।
त्यसै गरि उपबिजेता बनेको नेपाल पुलिसले चार लाख ४४ हजार ४ सय ४४ रुपैयामा चित्त बुझायो ।
कार्यक्रमका प्रमुख अतिथि बुटवल उपमहानगरपालिका प्रमुख शिवराज सुवेदीले उक्त पुरस्कार बितरण गरेका थिए ।
जिल्ला फुटवल संघको अयोजनामा फागुन २४ गते बाट प्रतियोगिता सुरु भएको थियो ।
