वाशिंटन(संयुक्त राज्य अमेरिका),२७ चैत्र । अमेरिकी राष्ट्रपति डोनल्ड ट्रम्प सिरियामा भैरहेको राज्य नियन्त्रित नरसंहारबाट निकै रुष्ट भएकाछन्। उनले सिरियन तानाशाह बसर अल-असदलाई ‘पशु’ भनेका छन्। यस अतिरिक्त यदि राष्ट्रपति ओबामाले साहसिक निर्णय गरेर असदका बिरुद्द कार्बाही गरेको भए ‘पशु असद’ इतिहास भैसकेका हुन्थे भन्दै राष्ट्रपति ट्रम्पले ट्वीट गरेका छन्।
सिरियाको डुमामा गत साता रासायनिक ग्यास आक्रमणबाट दर्जनौं गैर-सैनिक नागरिकको मृत्य हुनुमा सिरियाका तानाशाह असदलाई सघाइरहेका रुस र इरान जिम्मेवार रहेका भन्दै रुसी राष्ट्रपति पुटिन र इरानका बारेमा समेत राष्ट्रपति ट्रम्पले ट्वीट मार्फत निकै कडा प्रतिक्रिया व्यक्त गरेका हुन्। राष्ट्रपति ट्रम्पको पछिल्लो अभिव्यक्तिले सिरियामा संभावित अमेरिकी हस्तक्षेपको आशंका बढाएको छ।
यसैबीच अमेरिकाले सिरिया बिरुद्द निकै कडा आर्थिक प्रतिबन्धको घोषणा गरेको छ। यसको तत्काल असर रुसी अर्थ-बजारमा देखिन थालिसकेको छ।
