नयाँ दिल्ली(भारत),१९ बैशाख । अरुण-३ जलविद्युत आयोजनाले इलेक्ट्रो मेकानिकल कामको लागि भारतीय कम्पनीसँगै ठेक्का सम्झौता गरेको छ।
भारतीय कम्पनी ‘भारत ह्याभी इलेक्ट्रिकल लिमिटेड’ (बिएचइएल) र अरुण-३ जलविद्युत आयोजना बिच मंगलवार ठेक्का सम्झौता भएको छ।
बिएचइएलले ९०० मेगावाट क्षमताको आयोजनामा इलेक्ट्रो मेकानिकलतर्फको ठेक्का नेपाली रुपैयाँ ८ अर्ब ५७ करोड ६० लाखमा लिएको छ।
बिएचइएलले आयोजनाको इलेक्ट्रो मेकानिकल कामको डिजाइन, इन्जिनियरिङ, उत्पादन, निर्माण, आपूर्तिदेखि सबै कामको जिम्मा पाएको हो।
कम्पनीले २२५ मेगावाटको चार वटा भर्टिकल फ्रान्सिस टर्वाइन र चार वटै जेनेरेटर सेटपनि आयोजनाको लागि आपूर्ति गर्ने जनाइएको छ।
भारतीय कम्पनी एसजेभिएनले अरुण तेस्रोको निर्माण गर्दै छ। भारतीय प्रधानमन्त्री नरेन्द्र मोदीको नेपाल भ्रमणमा आयोजनाको शिलन्यास गर्ने तयारी गरिएको छ।
