मन्थली(रामोछाप) ३१ बैशाख । रामेछापको सदरमुकाम मन्थलीबाट परीक्षा दिन जाने क्रममा रणजोर खोलाले बगाएर मन्थलीकी उष्मा फुयाँल बेपत्ता भएकी छिन् ।
मन्थलीबाट मुगीटार परिक्षा केन्द्रमा परीक्षा दिन हिँडेकी कक्षा ११ की १७ वर्षिय फुयाँलको खोला तर्ने क्रममा बगेर बेपत्ता भएकी हुन् । खोला तर्ने क्रममा बाढीले १६ किशोरी बगाएकोमा ३ जना घाइते भएका छन् ।
रामेछाप प्रहरी प्रमुख राजकुमार थापाले घाइते हुनेहरुमा निशा शाह, जानुका बुढाथोकि र मनिषा पान्डे रहेकोजानकारी दिए । उनिहरुको अहिले रामेछाप सामुदायिक अस्पताल मन्थलीमा उपचार भैरहेकोे छ । बाँकि १२ जना किशोरी भने उद्धार पछि परिक्षामा सामेल भएको र बेपत्ता किशोरी फुयाँलको खोजी कार्य जारि रहेको जिल्ला प्रहरी कार्यालय रामेछापले जनाएको छ।
बिहानीपख परेको ठुलो पानीले आएको बाढी समूहमा तर्न खोज्दा परीक्षार्थीहरुलाई खोलाले बगाएको प्रत्यक्षदर्शीले बताएका छन् । आज कक्षा ११ को अनिवार्य नेपाली परीक्षा रहेको थियो ।
बाढीको कारण मन्थली बसपार्क क्षेत्रमा डुवानका कारण प्रभावित भएको समाचार छ । तामाकोशीको पानी बजार पस्दा बस्ती प्रभावित भएको हो
