काठमाडौं,२० साउन । छिमेकी मुलुक भारत कोरोना भाइरस संक्रमणबाट अधिक प्रभावित मुलुकको शिखरतिर चढन थालेको छ ।

सोमबार भारतमा ५० हजार ६ सय २९ जना संक्रमित देखिए भने ८ सय १० जनाले जीवन गुमाए। जबकि सोही दिन संयुक्त राज्य अमेरिकामा सोमबार ४८ हजार ६ सय २२ जनामा नयाँ संक्रमण देखिएको थियो भने कोरोना भाइरसको कारण जीवन गुमाउनेहरु ५ सय ६८ थिए।

यस्तै अत्यधिक प्रभावित मानिएको दक्षिण अमेरिकी मुलुक ब्राजिलमा सोमबार १७ हजार ९ सय ८८जनामा नयाँ संक्रमण देखिएको थियो भने ५ सय ७२ जनाले जीवन गुमाएका थिए ।त्यस्तै मेक्सिकोमा सोमबार २ सय ७४ जनाले कोरोनाको कारण जीवन गुमाए भने ४ हजार ८ सय ५३ जना यस घातक भाइरसको नयाँ संक्रमणमा परेका थिए ।

गत आइतबार कोरोना भाइरसको देैनिक संक्रमण घट्ना र मृत्युमा संयुक्त राज्य अमेरिका र ब्राजिललाई पछि पारेको थियो तर दैनिक मृत्युमा भने भारतभन्दा मेक्सिकोमा बढी देखिएको थियो ।

आइतबार मेक्सिकोमा ९ हजार ५ सय ५६ नयाँ संक्रमणका घट्ना पुष्टि भएका थिए भने कोरोना संक्रमणका कारण ७ सय ८४ जनाले जीवन गुमाएका थिए ।

भारतमा आइतबार कोरोना संक्रमणबाट ७ सय ५८ जनाले ज्यान गुमाएका थिए भने ५२ हजार ७ सय ८३ जनामा संक्रमण पुष्टि भएको थियो।

ब्राजिलमा आइतबार ५ सय १४ जनाले जीवन गुमाए भने २४ हजार ८ सय १ जनामा यस घातक भाइरसको संक्रमण पुष्टि भयो ।

त्यस्तै आइतबार अमेरिकामा ४ सय ६७ जनाले ज्यान गुमाए भने ४९ हजार ३१ मा नयाँ संक्रमण देखियो ।

भारतमा गत शुक्रबार ५७ हजार ४ सय ८६ जना नयाँ संक्रमित थपिएका थिए । त्यो भारतमा अहिलेसम्मकै बढी हो ।

शनिबार ५४ हजार ८ सय ६५ जना संक्रमित फेला परेका थिए । बिहीबार ५४ हजार ७ सय ५० जना संक्रमित थपिएका थिए । बुधबार ५२ हजार २ सय ६३ जना संक्रमित भएका थिए ।

अहिलेसम्म भारतमा कोरोना भाइरस संक्रमित १८ लाख ५५ हजार ३ सय ३१ जना पुगेका छन् ।

भारतमा हालसम्म कोरोना संक्रमणबाट जीवन गुमाउनेको संख्या ३८ हजार ९ सय ७१ पुगेको छ ।

भारतमा हाल ५ लाख ८५ हजार ९ सय २० जना सक्रिय संक्रमित रहेका छन्  भने हालसम्म कोरोना भाइरस संक्रमण पुष्टि भएका १२ लाख ३० हजार ४ सय ४० जना उपचारपछि निको भएका छन् ।

भारतले मंगलबार बिहानसम्म २ करोड २ लाख २ हजार ८ सय ५८ जनाको  कोरोना भाइरस संक्रमण परीक्षण गरिसकेको बताएको छ ।

भारतमा आरटीपीसीआर र एन्टिजन गरी दुई प्रकारको परीक्षण भइरहेको छ ।

विश्वमा हालसम्म कोरोना भाइरस संक्रमणका १ करोड ८४ लाख ४२ हजार ३ सय ८२ घट्ना पुष्टि भएका छन ती मध्ये ६ लाख ९७ हजार १ सय ७५ जनाको मृत्यु भएको छ भने १ करोड १६ लाख ७२ हजार ६ सय १५ जना उपचारपछि निको भएका छन् ।

हाल सक्रिय संक्रमितको संख्या ६० लाख ७२ हजार ५ सय ९२ छ । यी मध्ये ६४ हजार ६ सय ७५ जना गम्भीर वा सिकिस्त अवस्थामा छन भने ६० लाख ७ हजार ९ सय १७ जनाको अवस्था सामान्य प्रकृतिको छ ।