लक्जेमबर्ग , ८ चैत्र । एनआरएन यूरोप क्षेत्रको भेला आगामी जुलाई २९ र ३० तारिखमा लक्जम्बर्गमा हुने भएको छ ।
एनआरएन यूरोप क्षेत्रको बसेको भिडियो कन्फरेन्स बैठकले आईसीसी अध्यक्ष भवन भट्ट, महासचिव बद्रि केसीलगायत ६० भन्दा बढीको उपस्थितिमा भेला आयोजना गर्ने निर्णय गरेको हो ।
भेला सम्पन्न गर्नका लागि एनआरएन यूरोप क्षेत्र संयोजक शिवकुमार बरुवालको संयोजकत्वमा यूरोप उपसंयोजक, आईसीसी सदस्यहरु, लक्जम्बर्ग अध्यक्ष, महासचिव तथा छिमेकी देशका एनसीसी अध्यक्षहरु रहेको मूल आयोजक समिति गठन गरेको छ ।
भेलामा एनआरएन यूरोपका विभिन्न देशका समस्या, समाधानका उपाय तथा नेपालको समृद्धिका लागि लगानीलगायतका विषयमा छलफल हुने यूरोप संयोजक बरुवालले जानकारी दिए ।
