बेइजिड.(चीन),१ जेठ । अमेरिकी राष्ट्रपति डोनल्ड ट्रम्पले होर्मुज जलमार्ग खुलाउन चीनले प्रस्ताव गरेको दाबी गर्नुभएको छ। यद्यपि चीनले यसको पुष्टि गरेको छैन।

ट्रम्पको चीन भ्रमण अन्तिम दिनमा प्रवेश गर्दा दुवै पक्षले भ्रमणका क्रममा हालसम्म भएका कुराबारे भिन्दाभिन्दै भाष्य सार्वजनिक गरेका छन्।

डोनल्ड ट्रम्पको भव्य स्वागत र उहाँसँग राष्ट्रपति सी जिन्पिङले गरेको वार्तापछि चिनियाँ सरकारी सञ्चारमाध्यमले ताइवान मुद्दाले दुई देशलाई द्वन्द्वमा तान्न सक्ने चेतावनी दिएको उल्लेख गरेका छन्।

त्यसपछि ट्रम्पले इरान युद्धसँगै हाल बन्द रहेको होर्मुज जलमार्ग खुला गराउने सहमतिका लागि सहयोग गर्ने प्रस्ताव सीले गर्नुभएको फक्स न्यूजलाई बताउनुभयो।

“त्यति धेरै मात्रामा उनीहरूसँग तेल खरिद गर्नेको निश्चित रूपमा विशेष सम्बन्ध होला, तर उहाँ ृसीे ले ुम कुनै प्रकारको सहयोग गर्न सके खुशी हुने छुु भनेर भन्नुभयो। उहाँ होर्मुज जलमार्ग खुला भएको देख्न चाहनुहुन्छ”, अमेरिकी राष्ट्रपति ट्रम्पले भन्नुभयो।

इरान युद्धमा जित !

बोइङका २ सयवटा हवाईजहाजहरू खरिद गर्न पनि चीन सहमत भएको ट्रम्पको दाबी छ।

तर बोइङ र होर्मुज जलमार्गका सम्बन्धमा चीन मौन रहेको छ। चीनले गर्ने भनिएको जहाज खरिदलाई ट्रम्पले एउटा प्रतिबद्धताका रूपमा अर्थ्याउनुभएको छ।

“दुई सय जहाज भनेको ठूलो कुरा हो। त्यो भनेको धेरै जागिर सिर्जना हुनु हो। बोइङले १ सय ५० वटा भन्दै थियो, तर उनीहरूले त २ सय वटा भने”, ट्रम्पले भन्नुभयो।

संयुक्त राज्य अमेरिकाले ूसंसारकै सबैभन्दा ठूलो सेनाू बनाएको ट्रम्पले दाबी समेत गर्नुभयो।

“हामीले यो कुरा भेनेजुएलामा प्रमाणित गरिसक्यौँ। इरानमा प्रमाणित गरिसक्यौँ, सैनिक दृष्टिकोणले इरान पूर्ण रूपमा सकिइसकेको छ,ू ट्रम्पले अगाडि थप्नुभयो”, यो सब समयको कुरा हो।ू

अमेरिकाले इरान युद्धमा जित हासिल गरेको भनी दाबी यसअघि पनि ट्रम्पले गरिसक्नुभएको छ।

वार्ता निकै उपलब्धिपूर्ण

राष्ट्रपतिद्वय सी र ट्रम्पबीच शुक्रवार पनि बेइजिङमा थप बैठक हुने अपेक्षा गरिएको छ।

बीबीसीकी एशिया व्यापार संवाददाता सुरन्जना तिवारीका अनुसार बिहीवारको समारोह भव्य देखिए पनि नतिजा चाहिँ त्यस्तो देखिएन।

गत अक्टोबर महिनामा सहमति जनाइएको व्यापार सम्झौताको निरन्तरताको सङ्केत दुवै पक्षले गरेका छन्।

उक्त सहमतिअन्तर्गत वाशिङ्टनले कडा ट्यारिफ रोक्यो भने बेइजिङले दुर्लभ धातुको निर्यातमाथि लगाएको प्रतिबन्ध खुकुलो पार्‍यो।

दुवै नेता एउटा नयाँ व्यापार बोर्ड गठन गर्न सहमत भएका ह्वाइट हाउसले जनाएको छ। उक्त संयन्त्रले भविष्यमा दुई देशबीचको व्यापार सम्बन्धलाई सहज बनाउने विश्वास लिइएको छ।

बेइजिङले अमेरिकी कृषि उत्पादन तथा ऊर्जा उत्पादनहरू खरिद गर्न इच्छुक रहेको पनि सङ्केत गरेको छ। तर त्यसबारे कुनै ठोस घोषणा भइसकेको छैन।

अमेरिकाले दुई नेताबीच भएको वार्तालाई ूनिकै उपलब्धिपूर्णू भनेको छ भने ट्रम्पले ूहालसम्मकै ठूलो शिखर बैठकूको सङ्ज्ञा दिँदै एकसाथ एउटा सुन्दर भविष्यको प्रतिबद्धता जनाउनुभएको छ।

दुवै पक्षबीच न्याना कुराहरू आदानप्रदान भएका छन्। तथापि न त व्यापार सम्झौता न त व्यापार(व्यवसायसम्बन्धी कुनै सहमतिको घोषणा भएको छ।