काठमाडौं, २३ फागुन । नेपालको शेयर बजारमा आज झिनो सुधार भएको छ । धितोपत्र बजारको परिसूचक आज १.५५ अंकले बढेर २५४४.९५ बिन्दुमा अडिएको छ । यो आइतबारको तुलनामा ०.०६ प्रतिशतको बढोत्तरी हो ।

यस दिन कुल २ सय ३० कम्पनीका ५३ लाख १५ हजार २ सय ९२ कित्ता शेयरको किनबेचबाट २ अर्ब ६० करोड ९ लाख ३० हजार ४ सय ३ रुपैया बराबरको कारोबार भएको छ ।

फागुन महिनाको चौथो साताको दोस्रो कारोबार दिनमा नेपाल स्टक एक्सचेञ्जमा सूचीकृत भई वर्गीकरणमा परेका १३ समूह मध्ये ५ समूहको उपपरिसूचक बढेको छ भने ७ समूहको घटेको छ ।

अघिल्लो कारोबार दिनको तुलनामा उपपरिसूचक बढ्ने समूहमा बैंकिड. ६.४ बिन्दुले ,होटल १४.१८ बिन्दुले,निर्जीबन बीमा ९.८८ बिन्दुले, उत्पादन तथा प्रशोधन ८७.६३ बिन्दुले र अन्य ३५.५ बिन्दुले बढेका छन् ।

यस दिन ब्यापार समूहको उपपरिसूचक १५.७४ बिन्दुले,बिकास बैंक २१.४१ बिन्दुले, जलविद्युत ३१.९९ बिन्दुले, वित्तीय कम्पनी समूह २८.१४ बिन्दुले,लघुवित्त ४.५७ बिन्दुले,जीवन बीमा १५०.३२ बिन्दुले,सामूहिक लगानी कोष समूह ०.०६ बिन्दुले र लगानी समूह ०.५७ बिन्दुले घटेका छन् ।