पोखरा(कास्की), १८ कार्तिक । नेपाली कांग्रेसबाट संघीय संसदको प्रतिनिधि सभामा प्रतिनिधित्व गर्नुहुने सांसद तथा पार्टीका आमन्त्रित केन्द्रीय सदस्य एवम् प्रसिद्ध उद्योगपति सूर्यबहादुर के.सी.को निधन भएको छ ।
सोमबार राति उहाँको आफ्नै निवास पोखरामा निधन भएको हो ।
नेपाली कांग्रेसका सभापति शेरबहादुर देउवाले उहाँको निधनमा एक शोक वक्तव्य प्रकाशित गर्दै उहाँको निधनले नेपाली कांग्रेस पार्टीलाई अपुरणीय क्षति भएको तथा राष्ट्रले एक सच्चा इमान्दार र कर्मठ उद्योगपति गुमाएको बताउदै उहाँप्रति भावपूर्ण श्रद्धाञ्जली अपर्ण गर्नुभएको छ ।
उहाँको निधनमा प्रधानमन्त्री के.पी.ओलीले समेत दुःख व्यक्त गर्दै उहाँमा श्रद्धासुमन अर्पण गर्नुभएको छ ।
संघीय प्रतिनिधि सभाका सदस्य माननीय सूर्यबहादुर केसीको हिजो राती १०:३० बजे पोखरास्थित आफ्नै निवासमा निधन भएको खबरले दु:ख लागेको छ । उहाँप्रति भावपूर्ण श्रद्धाञ्जलि अर्पण गर्दै शाेकसन्तप्त परिवारजनमा गहिरो समबेदना व्यक्त गर्दछु ।
— K P Sharma Oli (@kpsharmaoli) November 3, 2020
नेपाली कांग्रेसका प्रवक्ता विश्वप्रकाश शर्मासहित धेरै नेताहरुले उहाँप्रति श्रद्धाञ्जली अर्पण गर्दै शोकसन्तप्त परिवारजनमा समवेदना प्रकट गर्नुभएको छ ।
सुर्य दाइ हार्दिक श्रद्धाञ्जली !
नेपाली कांग्रेसका आमन्त्रित केन्द्रीय सदस्य एवं सांसद सुर्यबहादुर केसिको आत्मालाई शान्ति मिलोस् स्वर्गमा ! pic.twitter.com/we7HXJqLCp
— Bishwa Prakash शर्मा (@bishwaprakash77) November 3, 2020
पोखराको औद्योगिक विकासमा महत्वपूर्ण योगदान गर्नुभएका उद्योगपति के.सी. क्षेत्री समाज नेपालको संरक्षक पनि हुनुहुन्थ्यो ।
